torsdag 9. august 2012

Rosebed?

Ja spørrreteikn avdi bedet ikkje er ferdig. Det skal vera ei rose til pluss at eg skal leggja ein fin ring med steinar rundt. Eg trur det kan verta flott. Vert liksom litt meir orden med klare grenser. Kan hende dette kan fungera som eit "før" bilete? Først ei buskrose frå bo grønt, planta no i sommar då eg hadde klypt for mykje av den som sto frå før. Så ei gul rema 1000 stilkrose frå Danmark. Og nærast kameraet ein buskrose frå Rena. Og som eigenleg kjem frå Brumunddalen. Ho ser litt lei seg ut. Så kanskje ho skal få litt meir vatn og gjødsel?

fredag 3. august 2012

No vekker eg bloggen til liv

No kom bloggelysta attende, og eg vil herved vekke bloggen til live att. Det har skjedd ein del i hagen før me drog på ferie og. Både singel, mur og blomebed i hjørnet er ferdig. Plutseleg vart det mykje reinare og kjekkare i hagen. Muren vart bygd for å lettare halda skråbedet som ikkje er fullt så skrå lenger iorden. Og staudebed og steinbed kjem etterkvart. Kanskje me drøyer det til våren. Alt kan ikkje vera på stell. Iallefall ikkje samstundes..... Her er nokre bilete:

fredag 7. oktober 2011

Sjå kva eg har drepe!!!!



Ok, dette er første gong eg har teke med meg bytte og vist det fram til folka mine. Eg har sjølvsagt fanga og drepe mus før, men dette er første gong eg tok det med inn døra mi. Dei fekk seg ei aldri så lita overrasking. Og dei kasta musa ut. Kvifor det liksom, kan ikkje musa og få vera inne???

søndag 18. september 2011

Eg søv i spelkassa



Endeleg kjem eit innlegg frå husets sjef, Gustav Mahler. Eg vil helst vera med på det folka mine gjer. Så når dei speler Rummy, ligg eg i eska til brikkene. Når eg er ferdig med å slikke Asbjørn på halsen då. Også gjorde eg noko anna som dei synest var morosamt i dag. I vinduskarmen mot garasjen der eg ofte plar liggja, skal dei alltid ha ein dum bamse, og no fann eg ut at eg skulle flytte han litt. Så då bar eg han med tennene mine til ein betre egna stad, i sofaen. De får ha ein god sundag :)

Haustens avling.....



Eh, dette er ikkje mykje å skryte av.... Men no skriv eg ikkje denne bloggen for å skryte heller då. Ein rayd tomat på tre tomatplanter, ein solsikke i blom av ein heil pakke planta og ein håndfull gulerøtter omlag 1,5 cm. Hahaha gartner liksom. Dette var skrale greier. Evalueringa går på å så tidlegare, pluss å tinga betre sumarver. Det har jo regna og regna og temperaturene har ikkje vore høge i meir enn toppen ein halv dag om gongen. Jaja. Dette er for moro skuld, og moro var det :)

søndag 11. september 2011

Haust i hagen





Ja hausten er ei herleg tid. Det skjer ikkje så mykje i hagen då, men herleg å vera ute i storm og regn for så å koma inn, drikke kakao og lese ei bok. Eg har pynta litt med kvit lyng og kål i verandakassene, og raud lyng og eføy i den massive treblomekassa. Og hortensian blømer no i i tre blomer. Om det er nokon som lurer på korleis det står til med Gustav så har han det som "plommen i egget". Går inn og ut som han vil i eiga dør, og får fin mat og er blank og mjuk i pelsen. Oj der vart visst tåa med på bilete av den raude lyngen med eføy i mellom. jaja slik som skjer. Eg er såvisst ingen fotograf.

søndag 4. september 2011

Endeleg er huset ferdig målt


Ja det er vel ei veke sia no. Men eg bloggar gjerne eit bilete. Og me har alt feira. Eg hadde aldri trudd det skulle ta vel 2 år å måle eit hus utvendig! Ja no er me iallefall ferdige for ei stund. Skal seie det var strevsamt å måle oppunder takrennene og mellom spottane.........